Марин Томасов еліміздің азаматтығын алуға жақын.
«Астана» футбол клубы команда көшбасшыларының бірі Марин Томасовтың Қазақстан азаматтығын алу мәселесін қарастыруда, деп хабарлайды ASnews.kz.
Заңнамаға енгізілген өзгерістерге байланысты мемлекеттік және квазимемлекеттік бюджет есебінен шетелдік спортшыларды қаржыландыруға шектеу қойылған. Осы себепті 2018 жылдан бері Қазақстан чемпионатында тұрақты түрде өнер көрсетіп келе жатқан Томасов Хорватия азаматтығын Қазақстан азаматтығына ауыстыру мүмкіндігіне ие.
Қазіргі уақытқа дейін хорватиялық футболшы елордалық клуб құрамында 298 матчқа қатысып, 122 гол соғып, 113 нәтижелі пас берген. «Астана» сапында ол төрт мәрте Қазақстан чемпионы атанып, Лига кубогы мен ел Суперкубогын жеңіп алды. Сонымен қатар, Марин Томасов Хорватия ұлттық құрамасы сапында бір кездесу өткізген.
