Ұлттық құрама шабуылшысы жаңа клубқа ауысты

Көкшетаулық «Оқжетпес» клубының және Қазақстан ұлттық құрамасының шабуылшысы Алияр Мұхамед ресми түрде Қызылорданың «Қайсар» командасының ойыншысы атанды.

24 жастағы футболшының жаңа клубымен жасасқан келісімшартының шарттары әзірге жарияланған жоқ.

Өткен маусымда Алияр Мұхамед барлық турнирде 24 матчқа қатысып, үш гол соғып, үш нәтижелі пас берген. Сонымен қатар, биыл ол Қазақстан ұлттық құрамасына алғаш рет шақырту алды.

«Оқжетпестен» бөлек, Алияр Мұхамед бұған дейін шымкенттік «Оңтүстік академиясы», түркістандық «Тұран», атакенттік «Мақтаарал» және талдықорғандық «Жетісу» клубтарында өнер көрсеткен.

Айта кетейік, ҚПЛ-2025 маусымының қорытындысы бойынша «Қайсар» 22 ұпай жинап, турнирлік кестеде 11-орынға тұрақтады.