Бекхан Шайзада ұлттық құрама сапында 2025 жылы дебюттық ойынын өткізген болатын.
27 жастағы «Ордабасы» (Шымкент) клубы мен Қазақстан ұлттық құрамасының қақпашысы Бекхан Шайзада жақын уақытта елордалық «Жеңіс» клубына ауысады.
Қазақстандық голкипер 2017 жылдан бері «Ордабасы» сапында өнер көрсетіп, осы уақытқа дейін командасын ауыстырған жоқ. Еске салайық, өткен маусымда ҚПЛ аясында Шайзада барлық турнирде 23 матч өткізіп, 26 гол жіберіп алды және жеті кездесуде қақпасын «құрғақ» ұстады.
Айта кетейік, жуырда елордалық «Жеңіс» командасының негізгі қақпашысы Сергей Игнатович клубтан ресми түрде кеткен болатын.
Естеріңізге салсақ, Бекхан Шайзада ұлттық құрама сапында дебютын өткен жылдың соңында Фарер аралдарына қарсы өткізген болатын.
