"Жетісу" жаңа маусымға дайындығын бастап кетті.
Талдықорғандық «Жетісу» клубы екі ойыншымен келісімшартқа қол қойғанын хабарлады. Команда қатарына «Оқжетпестің» қақпашысы Данил Подымский мен «Тұранның» шабуылшысы Шоқан Абзалов қосылды.
2025 жылғы Қазақстан Премьер-лигасы маусымында Подымский «Оқжетпес» құрамында небәрі екі матчқа қатысып, сегіз гол жіберіп алды. 27 жастағы қақпашы кәсіби мансабында «Алтай», «Каспий» және «Астана» клубтарының да намысын қорғаған.
Абзалов өткен маусымда «Тұран» сапында 20 ойын өткізіп, бір гол соқты. Шоқан бұған дейін «Қайсар», «Байқоңыр», «Оқжетпес», «Қызылжар» және «Атырау» клубтарында да өнер көрсеткен.
