ҚПЛ клубынан ойыншылар жаппай кетіп жатыр

Бірқатар танымал футболшы клубтан кетті

Ресми мәліметке сәйкес, "Ертіс" сапынан төмендегі футболшылар кеткен:

• Владислав Васильев
• Еркебұлан Тұңғышбаев
• Владимир Воменко
• Нұрғайни Бөрібаев
• Әділхан Добай
• Мұхамед Еңсебаев
• Нұрәлі Елемес

Жалға берілген ойыншылар өз клубтарына оралды

Сонымен бірге жалға алу мерзімі аяқталғаннан кейін Арман Кеңесов, Мейрам Киікбаев, Темірлан Төребек өз клубтарына қайта оралғаны айтылды.

Бұған дейін бірқатар БАҚ-та павлодарлық клубта басшылық пен бапкерлер құрамында өзгеріс болуы ықтимал екені жазылған. Енді команданың кадрлық жаңаруы ресми мәлімдемемен де расталып отыр.

Еске салайық, өткен маусымда «Ертіс» Бірінші лига командалары арасында екінші орын иеленіп, соның нәтижесінде Қазақстан Премьер-Лигасына (ҚПЛ) қайта оралуға мүмкіндік алды.