"Қызылжар" сапында оқу-жаттығу жиынына қатысып, қаралымнан өтіп жатыр.
Сенегалдық шабуылшы Мусса Конате Қазақстан Премьер-лигасында өнер көрсететін "Қызылжар" футбол клубының оқу-жаттығу жиынына келіп қосылды. Қазір ол қаралымнан өтіп жатыр.
"Мусса — тәжірибелі форвард. Ол әр жылдары "Дженоа", "Краснодар", "Маккаби" (Тель-Авив), "Сьон", "Дижон", "Сивасспор" клубтарының намысын қорғады. Сонымен қатар Сенегал құрамасы сапында 34 матч өткізіп, 12 гол соққан", — делінген Солтүстік Қазақстан облысы клубының Instagram-парақшасында.
Мусса Конатенің соңғы клубы Францияның төртінші лигасында өнер көрсететін "Бурж Фут 18" командасы болды.
Кәсіпқой мансабында сенегалдық шабуылшы:
Өткен маусымда Грузия мен Швейцария чемпионаттарының жеңімпазы атанған Конате 14 ойынға қатысып, екі гол соғып, бір ассист жасады.
Айта кетейік, Мусса Конате 2019 жылғы Африка Ұлттар Кубогына қатысқан. Сол турнирде ол "Ливерпуль" жұлдызы, өзінің жақын досы Садио Манемен бірге күміс жүлдегер атанды.
