"Әл-Наср" шабуылшысы Криштиану Роналду Сауд Арабиясындағы клубтың жаттығу процесіне қайта қосылды. Бұл жағдай команда басшылығымен арадағы ықтимал келіспеушілік туралы әңгімелер көбейген тұста тіркелді.
Португалиялық футболшы әлеуметтік желідегі парақшасында жаттығудан фото жариялап, оған клуб түстеріндегі жүрекшелер эмодзилерін қоса салған.
Бұған дейін Роналду Сауд Арабиясы чемпионатындағы "Әл-Наср" – "Эр-Рияд" матчына қатыспаған. Ол ойында "Әл-Наср" 1:0 есебімен жеңіске жетті.
Кейін кейбір дереккөздер Роналдудың клубтың трансферлік саясатына көңілі толмай, ойындарға бойкот жариялауы мүмкін екенін жазды. Футболшының көзқарасына жақын ақпараттарға сүйенсек, Сауд Арабиясының Егеменді қоры (PIF) иелік ететін бірнеше клубтың (атап айтқанда "Әл-Наср", "Әл-Иттихад", "Әл-Хилал", "Әл-Ахли") бір құрылымға қарауы әділ бәсекеге әсер етеді деген пікір айтылған. Бұл фактор "Әл-Насрдың" чемпиондыққа таласуына кедергі келтіруі мүмкін деген уәж бар.
Қазір "Әл-Наср" чемпионатта екінші орында тұр және көш басындағы "Әл-Хилалдан" 1 ұпайға қалып келеді.
Сондай-ақ ақпарат кеңістігінде Роналдудың Еуропадан жаңа клуб қарастырып жүргені және "Манчестер Юнайтедпен" келіссөз болуы мүмкін екені туралы мәліметтер тарады. Алайда бұл ақпарат ресми түрде расталған жоқ.
41 жастағы Криштиану Роналду 2023 жылдан бері "Әл-Наср" сапында ойнайды. Оның Сауд Арабиясындағы клубпен келісімі 2027 жылға дейін күшінде.
Бұған дейін Роналду:
