"Қайрат" РПЛ клубынан қарымта қайтарды

Антальядағы соңғы ойын

Жиын аясындағы шешуші кездесуде “Қайрат” Ресей Премьер-лигасының өкілі — Нижний Новгородтың “Пари НН” клубымен тағы да ойнады. Бұл матч алматылықтар үшін шетелдегі дайындық кезеңіндегі соңғы ойын болды.

Кездесу 1:0 есебімен аяқталып, ҚПЛ-2025 чемпионы қарсыласынан қақпасына гол жібермей басым түсті. Осылайша “Қайрат” бұған дейінгі ойындағы 3:4 есебіндегі жеңілістің қарымтасын қайтарды.

“Пари НН”-нің жағдайы және таныс бапкер

Айта кетейік, “Пари НН” РПЛ маусымының алғашқы бөлігінен кейін 14 ұпаймен 14-орында тұр. Ал ресейлік клубтың бас бапкері Алексей Шпилевский бұған дейін “Қайраттың” бас бапкері болған.

Алматылықтар екінші оқу-жаттығу жиыны барысында төрт бақылау кездесуін өткізді:

• “Пахтакор” (Ташкент) — 1:1
• “Орынбор” — 1:0
• “Пари НН” — 3:4
• “Пари НН” — 1:0

Енді «Қайратты» маңызды матч күтіп тұр. 28 ақпанда “Астана Аренада” Қазақстан Суперкубогы үшін “Тобылға” қарсы ойнайды.