"Қайраттың" жұлдызды шабуылшысы мансабын аяқтамақ

Алматылық "Қайраттың" бұрынғы шабуылшысы, бразилиялық футболшы Вагнер Лав спорттық мансабын аяқтайтынын ресми түрде жариялады.

Тәжірибелі форвард өзінің соңғы ойынын 28 наурыз күні бразилиялық "Ретро" клубы сапында өткізеді. Осы матчтан кейін аталған клубта бапкердің көмекшісі қызметіне кіріседі.

Айта кетейік, Вагнер Лав кәсіби футболмен 20 жылдан бері айналысып келеді. Осы уақыт аралығында әлемнің әртүрлі чемпионаттарында өнер көрсетті:

• ЦСКА (Мәскеу)
• "Фламенго"
• "Коринтианс"
• "Монако"
• "Бешикташ"
• "Палмейрас"
• "Мидтьюлланд"
• "Аланьяспор"

"Қайраттағы" кезеңі

Бразилиялық шабуылшы 2020–2022 жылдары "Қайрат" сапында өнер көрсетті.

Осы уақыт ішінде:

• 57 матч өткізді;
• 27 гол соқты;
• 20 нәтижелі пас берді.

Алматылық клубпен бірге Қазақстан Премьер-лигасының чемпионы атанды. Қазақстан Кубогын жеңіп алды. 

Бразилия құрамасындағы көрсеткіші

Вагнер Лав ұлттық құрама сапында:

• 20 матч өткізді;
• 4 гол соқты;
• 4 ассист жасады.