Қазақстан құрамалары бүгін 4 матч өткізеді. Қайдан көреміз?

31 наурыз күні футболдан Қазақстан құрамалары халықаралық турнир аясында бірнеше матч өткізеді. 

U-17: Қазақстан — Чехия матчы Данияда өтеді

Қазақстанның 17 жасқа дейінгі жасөспірімдер құрамасы Еуро-2026 іріктеу турнирі аясында Чехиямен кездеседі. Ойын Данияның Хельсингёр қаласында өтеді.

• Басталу уақыты: 18:00 (Астана уақытымен)
• Өтетін орны: Хельсингёр, Дания

Екі турдан кейін Қазақстан құрамасында 1 ұпай бар. Команда Австриямен сенсациялық түрде 0:0 есебімен тең ойнап, Даниядан 0:3 есебімен жеңілді. Ал Чехия құрамасы екі ойында да тең нәтиже тіркеді (1:1).

Турнирлік кесте (А4 тобы):

1. Дания — 4 ұпай
2. Чехия — 2 ұпай
3. Австрия — 2 ұпай
4. Қазақстан — 1 ұпай

Айта кету керек, Қазақстан — топтағы әлі гол соға алмаған жалғыз команда.

U-19: Қазақстан Солтүстік Ирландияға қарсы ойнайды

Бүгін, сондай-ақ, Қазақстанның 19 жасқа дейінгі құрамасы да алаңға шығады. Қарсылас — Солтүстік Ирландия.

• Басталу уақыты: 19:00
• Өтетін орны: Буфте, Румыния

Жастар құрамасы Ирландиямен кездеседі

Қазақстанның жастар құрамасы (U-21) Түркістан қаласында Ирландияға қарсы ойнайды. Бұл — Еуро-2027 іріктеу кезеңінің кездесуі.

• Басталу уақыты: 20:00
• Тікелей эфир: "Qazsport" телеарнасы

Қазақстан 6 ойыннан кейін 4 ұпаймен топта соңғы орында тұр. Ирландия құрамасы 8 ұпаймен үшінші сатыда.

Турнирлік кесте (D тобы):

1. Англия — 16 ұпай
2. Словакия — 16 ұпай
3. Ирландия — 8 ұпай
4. Андорра — 7 ұпай
5. Молдова — 5 ұпай
6. Қазақстан — 4 ұпай

Соңғы матчта Қазақстан Словакиядан 1:3 есебімен жеңілсе, Ирландия Молдовамен 1:1 есебімен тең түсті.

Қазақстан — Комор аралдары: FIFA Series финалы

Ұлттық құрама Астанада Комор аралдарына қарсы ойнайды. Бұл матч FIFA Series турнирінің шешуші кездесуі болады.

• Басталу уақыты: 17:00
• Тікелей эфир: "Qazsport"

Қазақстан алғашқы ойында Намибияны 2:0 есебімен жеңді. Гол авторлары — Ян Вороговский мен Әлібек Қасым. Ал Комор құрамасы Намибиямен негізгі уақытта 0:0 ойнап, пенальтиде жеңілді.

Топтағы жағдай (4-топ):

1. Қазақстан — 3 ұпай
2. Намибия — 2 ұпай
3. Комор аралдары — 1 ұпай

Бұл кездесудің нәтижесі турнир жеңімпазын анықтайды.