"Алтай" жеті гол соғылған матчта жеңіске жетті
Соның арқасында Қазақстан кубогының ширек финалына шықты.
Өскеменнің "Алтай" клубы Қазақстан кубогының 1/8 финалында Жезқазғанның "Ұлытауын" жеңіп, келесі кезеңге жолдама алды.
Матч қалай өтті?
Алматыдағы "Хан-Тәңірі" стадионында өткен кездесуде жанкүйерлер голға толы ойынның куәсі болды. Кездесудің негізгі уақыты тең аяқталып, жеңімпаз қосымша уақытта анықталды.
Алғашқы голды 12-минутта "Ұлытау" ойыншысы Рамазан Абылайхан соқты. Екінші таймда "Алтай" сапынан Елисей Горшунов дубль авторы атанып (54, 64), есепті алға шығарды. Алайда 83-минутта Максим Чалкин таразы басын теңестіріп, матчты қосымша уақытқа жеткізді.
Экстра-таймда Котаро Киши ("Ұлытау") гол авторы атанды. Осыдан кейін Киши қызыл қағаз алып, алаңнан қуылды.
Осы басымдықты тиімді пайдаланған "Алтай"
- 111-минут – Ораз Сайлыбаев
- 119-минут – Никола Джамбора гол соғып, матч тағдырын шешті.
Қорытынды есеп - 4:3.
Енді өскемендік клубтың келесі қарсыласы "Ақтөбе" мен "Елімай" жұбының жеңімпазы болады.
Алтай 
Ұлытау