"Манчестер Сити" Родридің болашағына қатысты шешім қабылдады
"Қалалықтар" жартылай қорғаушыға қатысты "Барселонаның" алғашқы ұсынысын қабылдамады.
“Барселонаның” алғашқы ұсынысы өтпеді
Журналист Бен Джейкобстың мәліметінше, “Барселона” 30 жастағы Родри үшін шамамен 45 миллион еуро ұсынған. Бірақ “Манчестер Сити” бұл соманы жеткіліксіз деп санап, ұсыныстан бас тартқан. Ағылшындық клуб өз ойыншысын шамамен 75 миллион еуроға бағалап отыр.
Дереккөздің хабарлауынша, каталониялық клуб Родриді қатарға қосу идеясынан әлі де бас тартқан жоқ және жақын уақытта жақсартылған ұсыныс дайындауы мүмкін.
Сонымен қатар футболшының өзі “Барселонамен” жеке келісімшарт талаптары бойынша алдын ала келісімге келгені айтылады.
Өткен маусымдағы көрсеткіші
Родри 2025/2026 жылғы маусымда Англия Премьер-лигасында 21 матч өткізіп, бір гол соқты.
Сонымен қатар Чемпиондар лигасында бес кездесуге қатысқанымен гол немесе нәтижелі паспен көзге түсе алмады.