Астанадағы ҚПЛ матчында жеңімпазды жалғыз гол анықтады

Қақпашы қонақтарды бірнеше рет құтқарды

Матчтың алғашқы минуттарынан "Жеңіс" жоғары қарқынмен ойнап, қарсылас алаңында қысым ұйымдастырды. Дегенмен бірінші таймда "Алтай" қақпашысы Данило Кучер бірнеше қауіпті соққыны қайтарып, есептің ашылуына мүмкіндік бермеді.

Үзілістен кейін алаң иелері шабуылын жалғастырды. Кездесудің тағдырын Андрия Филипович шешті. Ол айып алаңының ішінен дәл соққы жасап, елордалықтарға маңызды үш ұпай сыйлады.

Турнир кестесіндегі жағдайы

Осы жеңістен кейін "Жеңіс" 29 ұпай жинады. Астаналық клубы ҚПЛ турнир кестесінде сегізінші орынға көтерілді.

19 ұпайы бар "Алтай" чемпионат аутсайдерлерінің қатарында қалып отыр.