"Ордабасы" бас бапкердің кеткенін жариялады
Шымкенттік клуб бас бапкер Андрей Мартиннің қызметінен кеткенін ресми хабарлады.
Келісімшартты ұзартпау туралы шешім қабылданды
Клубтың Instagram парақшасында жарияланған мәліметке сәйкес "Ордабасы" мен Андрей Мартин еңбек шартын ұзартпау жөнінде өзара келісімге келген.
Маман шымкенттік команданы 2024 жылы 22 желтоқсанда қабылдап алды. Алғашқы маусымында ұжымды Қазақстан кубогының финалына шығарса, келесі жылы клуб тарихындағы ең ірі жетістіктердің біріне қол жеткізді.
"Ордабасы" тарихындағы алғашқы алтын дубль
2026 жылғы маусымда "Ордабасы" алғаш рет алтын дубль жасады. Мартиннің жетекшілігімен команда Қазақстан Премьер-лигасында топ жарып, ел кубогын да иеленді.
Шымкенттіктер чемпионатта 68 ұпай жинап, мерзімінен бұрын чемпион атанды. Ал 7 қарашада өткен Қазақстан кубогының финалында қызылордалық "Қайсарды" 4:1 есебімен жеңді.
Осылайша Андрей Мартин "Ордабасыдағы" жұмысын клубқа бір маусымда екі бірдей трофей әпергеннен кейін аяқтады.