Penalty.kz қосымшасыГол туралы бірінші біліңіз Ашу
Футбол
Бөлімдер

Бундеслига футболшысы ҚПЛ-ге ауысуы мүмкін

Былтыр ойыншының "Милан" клубына трансфері жүзеге аспай қалған еді.

Бундеслига футболшысы ҚПЛ-ге ауысуы мүмкін
soccer.ru

Қазақстан Премьер-лигасының чемпионы "Ордабасы" трансфер нарығында ірі қадам жасауға дайындалып жатыр. Шымкенттік клуб Нигерия құрамасының шабуылшысы Виктор Бонифейсті қатарына қосуды қарастырып отыр.

AmanVibe дерегі бойынша, "Ордабасының" жаңа бас бапкері Карел Герартс 25 жастағы футболшыға Қазақстанда мансабын жалғастыру мүмкіндігін қарастыруды ұсынған.

Бельгиялық маман мен нигериялық форвард бұған дейін "Юнион" клубында бірге жұмыс істеген. Сол кезеңде Бонифейс өзін нәтижелі шабуылшы ретінде таныта алды. Дереккөздің мәліметінше, бапкер мен футболшының қарым-қатынасы жақсы сақталған. Осы фактор "Ордабасының" трансфер бойынша келіссөз жүргізу мүмкіндігін арттыруы ықтимал.

"Ордабасы" екі нұсқаны қарастырып отыр

Қазір Виктор Бонифейс Германияның "Байер" клубының ойыншысы. Ол биылғы маусымда Бундеслигада небәрі екі матч өткізіп, леверкузендік команданың негізгі құрамынан тұрақты орын ала алмай жүр.

Шымкенттік клуб шабуылшыға қатысты екі нұсқаны қарастыруда:

  • футболшыны жалға алу;
  • жазғы трансфер кезеңінде толыққанды сатып алу.

Чемпиондар лигасы алдында шабуылды күшейтпек

"Ордабасы" алдағы маусымда Чемпиондар лигасында өнер көрсетеді. Осыған байланысты клуб шабуыл шебін күшейтуге мүдделі. Еуропаның топ чемпионаттарында тәжірибе жинаған Бонифейстің келуі команда үшін елеулі трансфер болуы мүмкін.

Айта кетейік, былтыр Виктор Бонифейстің Италияның "Милан" клубына трансфері жүзеге аспай қалған еді. Дерек бойынша, шабуылшы медициналық тексерістен өте алмаған. Футболшының "Байермен" қазіргі келісімшарты 2028 жылдың жазына дейін есептелген.

Бұл туралы не ойлайсыз?