Танымал қақпашы ең үздік футболшысына берілетін марапатты «Реал» ойыншысына беру керек деп есептейді.
Мадридтік «Реал» қақпашысы биыл «Алтын допты» кім жеңеді деген сұраққа жауап берді.
«Бұл марапатты командаластарымның бірі жеңсін. Үміткерлердің бәрі дерлік лайықты. Дей тұрғанмен жеңімпаз мадридтік «Реал» футболшысы болсыншы», - деді Куртуа.
Айта кетейік, биыл «Алтын допқа» корольдік клуб сапынан Джуд Беллингем, Федерико Вальверде, Винисиус Жуниор, Даниэль Карвахаль, Килиан Мбаппе, Антонио Рюдигер үміткер саналады. Бұдан бөлек, жазда спорттық мансабын аяқтаған Тони Кроос та бар.
