2-ші қазан күні Қазақстан футбол федерациясының Бақылау, тәртіптік және әдеп комитетінің отырысы өтті.
2-ші қазан күні Қазақстан футбол федерациясының Бақылау, тәртіптік және әдеп комитетінің отырысы өтті. Оның қорытындысы бойынша Қазақстан Премьер-лигасында өнер көрсететін екі командаға қомақты айыппұл салынды.
Қазақстан чемпионаты.
16-шы тур
«Тобыл» — «Шахтер»
— Қазақстан чемпионатының 2024 жылғы маусымының 16-шы туры аясында «Тобыл» — «Шахтер» командалары арасындағы матчта команда ойыншыларының тәртіпсіздік танытуына, яғни бес ойыншының ескерту алуына байланысты, ҚФФ Тәртіптік регламентінің 48-бабының 1-тармағына сәйкес, «Шахтер» футбол клубына Тәртіптік регламентке қосымша №1 бойынша 100 АЕК көлемінде айыппұл салынсын, бұл 369 200 (үш жүз алпыс тоғыз мың екі жүз) теңгені құрайды. «Шахтер» футбол клубы айыппұлды 2024 жылдың 2 қарашасына дейін төлеуі тиіс.
18-ші тур
«Жеңіс» — «Астана»
— 2024 жылғы маусымының 18-ші туры аясында «Жеңіс» — «Астана» командалары арасындағы матчта команда жанкүйерлерінің орынсыз әрекеттері, яғни ойын кезінде стадионды көк түтінге көмкеріп, қарсылас командаға балағат сөздер айтуына байланысты, ҚФФ Тәртіптік регламентінің 64-бабының 2-тармағына сәйкес, «Астана» футбол клубына Тәртіптік регламентке қосымша №1 бойынша 150 АЕК көлемінде айыппұл салынсын, бұл 553 800 (бес жүз елу үш мың сегіз жүз) теңгені құрайды. «Астана» футбол клубы айыппұлды 2024 жылдың 2 қарашасына дейін төлеуі тиіс.
— 2024 жылғы маусымының 18-ші турындағы «Жеңіс» — «Астана» командалары арасындағы матчта бас төрешіге балағат сөздер айту түріндегі орынсыз әрекетке байланысты, ҚФФ Тәртіптік регламентінің 53-бабына сәйкес, Астана футбол федерациясының президенті Давид Лорияға ескерту жасалсын.
Кайрат
Астана
Ордабасы
Актобе
Елимай
Тобол
Атырау
Кайсар
Жетысу
Женис
Кызылжар
Туран
Шахтёр
-
