"Барселона" клубы мен Испания құрамасының бұрынғы жартылай қорғаушысы бұл туралы өзінің әлеуметтік желідегі парақшасында жариялады.
"Барселона" мен Испания құрамасының бұрынғы жартылай қорғаушысы Андрес Иньеста футболмен қош айтысты. Каталондық клуб аңызы бұл ақпармен өзінің әлеуметтік желідегі парақшасында бөлісті.
39 жастағы ойыншы 1996-2018 жылдар аралығы Барселона жүйесінде болды. Осы кезеңде ересектер құрамасы үшін 674 матч өткізіп, 57 гол соқты. 136 нәтижелі пас берді.
Андрес Иньеста сондай-ақ, Жапонияның "Виссель Кобе" клубы сапында да өнер көрсетті. Испан футболшысы бұл командамен 134 кездесуге қатысып, 26 голдың авторы атанды. 25 нәтижелі пас берді.
Естеріңізге сала кетейік, Иньестаның соңғы клубы БАӘ-нің «Эмирейтсі» болды.
