"Реал" Құрлықаралық кубокты мексикалық "Пачукамен" сарапқа салады

Финал үшін өткен ойын 120 минутқа созылып, жеңімпаз тек пенальти сериясында анықтауға тура келді. “Пачука” алғашқы екі соққыны өткізіп алған. Бірақ кейін мексикалық қақпашы Карлос Морено 4-ші соққыны қайтарып, командаластарының финалға шығу мүмкіндігін қалдырды. Одан ары “Әл-Ахли” ойыншысы нүктеден соңғы соққыда мүлт кетті. Серия тағы үш раундқа ұласып, соңғысында мысырлық  футболшы қақпа маңдайшасын дәлдеді. Осылайша “Пачука” финалға шықты.

Құрлықаралық кубок. Жартылай финал.

"Пачука" (Мексика) - "Әл-Ахли (Мысыр) – 0:0 (пен. 6:5)

18 желтоқсанда өтетін “Пачука” мадридтің “Реалына” қарсылас атанады. Катарда өтетін матч Астана уақыты бойынша сағат 22:00-де басталады.