Қазақстан чемпионатында сенсация жасаған футбол клубы жабылудың алдында тұр

Облыс басшылығы 2022 және 2023 жылы ҚПЛ-да өнер көрсеткен команданы жабуды жоспарлайды. Ақсуда басқа клуб пайда болуы мүмкін. Бұл туралы Meta-raitings.kz жазды. 

Өз кезегінде "Ақсу" футбол орталығы 2025 жылы ҚПЛ-ға шығуда басты фаворит саналатын "Ертістің" қарамағына өтті делінген.

Еске сала кетсек, "Ақсу" 2022 жылы Премьер-лигада дебют жасаған. Сол кезде ұжым чемпионатты күтпеген жерден 6-шы орынмен аяқтады.

Ал келесі маусымда соңғы орынға табан тіреп, Бірінші лигаға төмендеп қалды. Бірақ 2024 жылдың маусымын қаржы мәселесіне байланысты Екінші лигада өткізуге мәжбүр болды.