Бауыржан Исламханның "Ордабасы" футбол клубымен келісімшарт мерзімі аяқталды.
Бұл туралы телекомментатор Ермұхамед Мәулен өзінің телеграм-арнасында жазды.
“Бауыржан Исламхан “Ордабасыдан“ кетеді. Оның клубпен келісімшарты аяқталды. Енді ол еркін агент ретінде қалаған командаға ауыса алады”, – делінген жазылымда.
Айта кету керек, Қазақстан құрамасы мен шымкенттік клубтың жартылай қорғаушысы Қазақстан чемпионы және ел Кубогының төрт дүркін иегері саналады. Ал ұлттық құрама жейдесінде өткізген матчтар саны бойынша ондыққа кіреді.
