"Бавария" мен Германия құрамасының жартылай қорғаушысы Йозуа Киммих корольдік клубқа ауысуы мүмкін.
Мадридтік клубтың өкілдері “Бавариядағы” жағдайды жіті бақылауға алып, германиялық футболшыға тиімді келісімшарт ұсынуға дайын. Себебі олардың ойынша, Киммих биыл шілдеде мансабын аяқтаған Тони Кроостың орнын толық басуға әбден лайық.
Өз кезегінде мюнхендік клуб Киммих тарапынан келісімшартты ұзарту бойынша әрекет күтеді. Себебі хавбектің “Бавариямен” келісімі биылғы маусымның аяғына дейін есептелген.
