Люксембургтің "Дифферданж 03" клубының спорттық директоры Реми Мансо португалиялық шабуылшы Жоржиньо Монтейрудың "Қайрат" клубымен келісімшартқа отыруы және оның айлық жалақысы туралы Le Quotidien басылымына сұхбат берді, деп хабарлайды Penalty.kz
"Бұл шешімді тек ол үшін қабылдадық. Алдымен маған президент, кейін жаттықтырушы қоңырау шалды. Олар маған: 'Оған ұсынылған жалақыны ескере отырып, біз оны жібермей қоя алмаймыз' деді. Шын мәнінде, оның жалақысы біздегі көрсеткіштен 10 есе артық болады," — деді Мансо.
"Шамамен 100 мың еуро. Бірақ тағы да айтайын: егер ол болмағанда немесе бұл оның мансабындағы нақты мүмкіндік болмаса, "Қайрат" бізге 400 мың еуро ұсынса да, біз бұл ұсынысты қабылдамас едік. Біз оны тағы үш ай ұстап, жазда еркін агент ретінде жіберуді жөн көрер едік. Бірақ енді ол кетіп жатыр – өмір жалғасады."
Жоржиньо Монтейрудың жетістіктері
"Қайрат" 27 жастағы португалиялық форвардпен келісімшартқа отырғанын 20 желтоқсанда жариялады. Монтейру — Португалияның "Брага" клубының түлегі. Ол өз елінде "Селейруш", "Мерелиненсе", "Фафе", "Санжуаненсе" және "Певидем" клубтарында ойнаған.
2022 жылы люксембургтік "Дифферданж 03" клубына ауысқан шабуылшы екі маусым ішінде ел чемпионы атанып, үздік сұрмергендер қатарынан көрінді.
Монтейру "Ордабасымен" өткен УЕФА Конференциялар Лигасының екінші іріктеу кезеңінде ерекше көзге түсті. Бірінші ойында бір гол, ал екінші матчта екі гол соғып, пенальтиде шешуші соққыны дәл орындады.
Transfermarkt порталының мәліметі бойынша, ойыншының қазіргі нарықтық құны — 250 мың еуро.
"Қайрат" жаңа шабуылшысынан жоғары нәтижелер күтіп, оның командаға үлкен үлес қосарына сенім артуда.
Ордабасы
Астана
Актобе
Кайрат
Кызылжар
Кайсар
Атырау
Тобол
Жетысу
Шахтёр
Туран
Женис
Елимай
-
