Лига 1 Англия футбол лигасының 28-турында "Уиком Уондерерс" өз алаңында "Нортгемптон Тауннан" айласын асыра алмады.
Кездесуде күтпеген нәтиже тіркелді. Командалар бір-бірінің қақпасын бағындыра алмады. Матч 0:0 есебімен аяқталды.
“Уиком Уондерерс” 55 ұпаймен турнир кестесінде екінші орында келе жатса, “Нортгемптон Таун” 27 ұпаймен 20-орынға тұрақтаған.
Айта кету керек, қазақстандық миллиардер Михаил Ломтадзе “Уиком Уондерерс” ФК иесі саналады. Былтыр мамыр айында ол клубтың бақылау пакетін сатып алды. Клубтың мәлімдемесінде Ломтадзеге тиесілі компания қазір “Уиком Уондерерс” акцияларының 90 пайызына иелік ететіні туралы айтылған.
