Абу-Дабиде өткен додада отандастарымыз топ жарды.
10 жасар қазақстандық спортшылар халықаралық додада жеңіске жетті
Павлодарлық 10 жасар футболшылар халықаралық Abu Dhabi Cup турнирінде жеңімпаз атанды. Беделді жарысқа 22 елден 36 команда қатысып, үздік атағы үшін таласты. Бұл туралы QR news Инстаграм парақшасы хабарлады.
Жас қазақстандықтар «Манчестер Сити», «Ювентус» сияқты әлемдік деңгейдегі клубтардың жасөспірімдер командаларын артта қалдырып, басты трофейді иеленді.
Павлодарлық жас чемпиондар ел намысын халықаралық аренада абыроймен қорғап, Қазақстан футболының болашағы жарқын екенін көрсетті.
