"Адана Демирспор" Түркия чемпионатының 25-турында сырт алаңда "Аланьяспормен" кездесті.
"Адана Демирспор" алғашқы таймда 2:0 есебімен алда тұрғанымен жеңісті сақтай алмай, 2:3 есебімен жеңіліп қалды. Қонақтар сапында Юсуф Бараси дубль жасап, 33-ші және 37-ші минуттарда гол соқты. "Аланьяспор" сапынан Арда Куртулан (63), Флоран Хадерджонай (68, пенальтиден) және Юсуф Оздемир (90) көзге түсті.
Қазақстандық шабуылшы Абат Айымбетов бұл матчтың өтініміне енген жоқ. Бірақ биылғы Түркия Суперлигасында 18 ойынға қатысып, 4 гол соқты.
Бұл жеңілістен кейін "Адана Демирспор" үш ұпаймен турнир кестесінің соңғы орнында қалды. Ал "Аланьяспор" 31 ұпай жинап, тоғызыншы орынға көтерілді.
