Уругвайдағы футбол матчында ойыншы қарсыласының жақ сүйегін сындырды.
Оқиға кубоктық кездесуде – "Пайсанду" мен "Сориано" командалары арасында болды. Қонақтар командасының ойыншысы Гонсалес алдымен бір қарсыласын басынан теуіп, кейін екіншісіне оң қолымен қатты соққы жасап, оның жақ сүйегін сындырды.
Шабуылдан кейін жәбірленуші футболшы көгалдан әрең көтеріліп, ойынға қайта қосыла алмады. Оқиға төреші мен жанкүйерлердің жағасын ұстатты.
Қазір Гонсалеске футболдан өмір бойына шеттетілу қаупі төніп тұр. Бұл жағдай Уругвай футбол федерациясының қатаң қарауында. Тәртіптік комитет оқиғаны зерттеп, тиісті шешім қабылдайды.
