Талдықорған қалалық соты "Жетісу" футбол клубының директоры Қалмұхамет Дөнсебаевқа қатысты үкім шығарды. Ол жеті жылға бас бостандығын шектеу жазасына кесілді.
Антикордың 2025 жылғы 6 наурыздағы мәліметіне сәйкес, Дөнсебаев футболшылардың оқу-жаттығу жиындарына бөлінген 31,9 миллион теңгені жымқырғаны үшін кінәлі деп танылды.Тергеу барысында ол 2022-2023 жылдары оқу-жаттығу жиындарына бөлінген 85,4 миллион теңгені сенімді адамдардың карточкалық шоттарына аудару арқылы иемденгені анықталды, деп жазады Zakon.kz.
Үкім заңды күшіне енді.
Дөнсебаевтың екі айға қамауға алынғаны алғаш рет 2024 жылдың 2 маусымында белгілі болды. Кейін тергеу оның қаржылық қылмыстарға 2022 жылдан бері қатысы барын анықтады.
