Ұлыбританияда әйгілі футболшы, "Рейнджерс" клубының ойыншысы Рабби Матондо Голливуд фильміндегі экшн-сахнаға түскендей күй кешті. Ол полиция көлігімен соқтығысып, жол апатына себепкер болды.
Футболшы көлігінің жылдамдығын 100 миль/сағаттан (шамамен 160 км/сағ) асырып, полицейлердің назарын аударған. Жергілікті құқық қорғау органдарының мәліметінше Матондо қызыл жарықтан өтіп, Audi Q8 көлігімен жол қозғалысына қауіп төндірген.
Оқиға кезінде ол белгісі жоқ полиция көлігіне соқтығысып, қашып кетпек болған. Бірақ полиция оны кейіннен стадиондағы жаттығу кезінде ұстады.
Тәртіп сақшылары футболшыны “қауіпті жүргізу” бабы бойынша айыптап, 12 айға дейін жүргізуші куәлігінен айырды. Сонымен қатар оған айыппұл салынды.
