Жоба осы жылдың соңына дейін аяқталуы тиіс.
Астанадағы Қ. Мұңайтпасов атындағы ескі стадионның орнына жаңа спорт нысанын салу туралы шешім қабылданды. Жобаны қаржыландыруға Арнаулы мемлекеттік қордан 17,3 миллиард теңге бөлінеді.
Жоспарға сәйкес, жаңа стадионның құрылысы 2025 жылдың соңында аяқталады. Нысан 3598 көрерменге арналған және UEFA халықаралық стандарттарына сай салынады.
Құрылысы толық біткеннен кейін стадион Астана қаласы әкімдігінің №8 олимпиадалық резервтегі мамандандырылған балалар-жасөспірімдер спорт мектебінің балансына беріледі.
