Ағылшындық "Манчестер Сити" клубының өзбекстандық қорғаушысы Абдукодир Хусанов сүйіктісіне үйленуге ұсыныс жасап, оң жауап алды.
Қазір Хусановтың қалыңдығы туралы ақпарат жоқ. Бірақ тойдың нақты күні белгілі болды. Алдын ала мәліметтерге сәйкес, неке қию рәсімі 27 мамырда өтеді. Бұл күн ағылшын Премьер-лигасының (АПЛ) маусымының аяқталуымен тұспа-тұс келеді, сондай-ақ, осы кезеңде "Манчестер Сити" ойыншылары демалысқа шығады.
Әзірге футболшының өзі де, оның ресми өкілдері де бұл жаңалыққа қатысты пікір білдірген жоқ. Алайда, Өзбекстандағы жанкүйерлер мен БАҚ өкілдері бұл салтанатты шараға "Манчестер Сити" жұлдыздары қатыса ма деген болжамдар жасауда.
Кейбір футбол сүйер қауым команданың бас бапкері Хосеп Гвардиола мен жұлдызды ойыншылар – Эрлинг Холанд, Кевин Де Брюйне және Джек Грилиш тойға келуі мүмкін деп үміттенеді.
