Шымкенттік клуб 2025 жылғы маусымға арналған құрамын жаңартып, капитан кеткен орынды бразилиялық футболшымен толтырды.
“Ордабасы” клубы 2025 жылғы маусымға арналған жаңартылған тізімді ұсынды. Команданың бұрынғы капитаны Асхат Тағыберген клубтан кеткен соң, оның орнына 26 жастағы Жоао Паулиньо Морейра Фернандес қосылды.
Паулиньо Шымкентке румыниялық “Поли Яссы” клубынан бір жылдық жалға алу келісімімен келді. Ол Қазақстан Премьер-Лигасы, ел кубогы және Суперкубок матчтарына қатысу үшін клубтың ресми өтініміне енгізілді.
Паулиньо 2024 жылы молдавиялық “Зимбру” клубының құрамында өнер көрсетті. Ол 12 матчта алаңға шығып, 6 гол соқты және 1 нәтижелі паспен көзге түсті.
