Болгария футболы кезекті дау-дамайдың ортасына түсті.
Бұл жолы жанжал матч басталмай жатып шықты. Софиялық дербидегі ЦСКА мен "Локомотив" арасындағы Бірінші лиганың 27-тур ойыны алдында тікелей эфир барысында түсініксіз жағдай болды.
Ойынға санаулы минуттар қалғанда дәстүрлі түрде VAR бөлмесіне көрсетілген кадр жанкүйерлер назарын өзіне аударды. Көрсетілім кезінде бас төреші Волен Чинков пен оның көмекшісі Стоян Арсовтың жұмысы ғана емес, сондай-ақ бір техникалық қызметкердің оғаш әрекеті көрінді.
Камералар төрешілердің қасында тұрған ер адамның ұялы телефонынан букмекерлік сайт интерфейсін ашық күйінде ұстағанын анық көрсетті. Бұл тікелей эфир арқылы көрермендерге жетіп, бірден желіде шу тудырды.
Қызметкер камераның өзіне бағытталғанын аңғарған сәтте телефонын тез жасырып үлгерді. Бірақ көпшілік онлайн-ставка сайтындағы парақшаны анық көріп үлгерген. Бұл сәттің видеосы әлеуметтік желілерде лезде таралып, жанкүйерлер мен спорт қоғамдастығының ашуын туғызды.
