Көкшетаудың "Арлан" командасы шайбалы хоккейден Қазақстан чемпионатының финалдық сериясын сенімді түрде аяқтап, ел чемпионы атанды. Төртінші матчта олар Өскеменнің "Торпедосын" сырт алаңда тізе бүктіріп, серияда 4:0 есебімен жеңіске жетті.
Шешуші кездесу Өскеменде өтті. Қонақтар бірінші және екінші кезеңдерде өз артықшылығын сенімді түрде іске асырып, жеңісті жұлып әкетті. 39-минутта Степан Санников есеп ашса, арада бірнеше секунд өтпей жатып Владислав Никулин есепті 2:0-ге жеткізді.
Үшінші кезең басында, яғни. 42-минутта "Торпедо" шабуылшысы Максим Базанов бір шайбамен жауап қатты. Алайда бұл нәтиже ойынды құтқара алмады.
"Арлан" финалдық серияда бірде-бір жеңіліске ұшырамай, төрт матчта қарсыласын тізе бүктірді:
