Қазақстан Словенияны 9:1 есебімен тас-талқан етті
Шайбалы хоккейден әйелдер арасындағы әлем чемпионатында Қазақстан құрамасы жарысты ірі жеңіспен аяқтады. Дамфрис (Ұлыбритания) қаласында өткен турнирдің соңғы турында отандастарымыз Словенияны ойсырата ұтты.
Қазақстан құрамасы турнирдің бесінші турында Словениямен кездесіп, нағыз шабуыл шоуын көрсетті.
Жеңіске үлес қосқан ойыншылар:
- Дәрия Молдабай — дубль (26 және 37 минуттар)
- Екатерина Куценко — дубль (13 және 60 минуттар)
- Анна Пяткова — (34 мин, көпшілік кезінде)
- Пернеш Әшімова — (36 мин)
- Александра Воронова — (38 мин, көпшілік кезінде)
- Анастасия Оразбаева — (45 мин)
- Татьяна Королева — (59 мин, көпшілік кезінде)
Словения сапынан Сара Конфиденти 47-минутта азшылық құрамда жалғыз шайба соқты.
Қазақстан құрамасы әлем чемпионатын 2 жеңіс және 3 жеңіліспен аяқтады.
Қазір команда 6 ұпай жинап, 4-орында тұр. Бірақ Оңтүстік Корея мен Латвия арасындағы матч нәтижесіне байланысты 5-орынға төмендеуі де мүмкін.
Ал словениялықтар барлық 5 ойында жеңіліп, турнир кестесінде соңғы орын алып, төменгі дивизионға түсіп қалды.
Қазақстан келесі жылы да IB дивизионында өнер көрсетеді. Италия құрамасы турнир жеңімпазы атанып, жоғары дивизионға жолдама алды.