Артур Гросс енді мансабын Солтүстік Америкада жалғастырады.
20 жастағы Артур Гросс АҚШ-тың NAHL (North American Hockey League) лигасында өнер көрсететін “Мейн Нордикс” клубымен ресми келісімшартқа отырды.
2024/25 маусымында Гросс ЖХЛ-дегі “Снежные Барсы” клубы сапында 39 матчқа қатысып, 22 (10 гол + 12 пас) ұпай жинады.
Ал ҚХЛ-дегі “Барыс” құрамында өткізген 7 кездесуде нәтижелі балл жинай алмаған. Дегенмен ол бұл ойындарда тәжірибе жинап, жоғары деңгейде өнер көрсетуге бейімделе түсті.
Артур Гросс Қазақстан жастар құрамасы сапында жасөспірімдер арасындағы әлем чемпионатына қатысты. Ол бұл турнирде 5 ойында 4 ұпай (3 гол, 1 пас) жинап, ұлттық құрамадағы әлеуетін дәлелдеді.
