Астаналықтар құрамын жаңа қақпашымен толықтырды. Клуб ресми түрде америкалық голкипер Адам Шилмен біржақты келісімшарт жасасты.
Құжат бір маусымға есептелген және 2026 жылдың 31 мамырына дейін жарамды.
Адам Шилдің кәсіби мансабы «Даллас Старз» жүйесінде басталған. Өткен маусымда Америкалық хоккей лигасындағы «Колорадо Иглз» сапында 14 матч өткізіп, орта есеппен 90,4% соққыны қайтарды. Бір ойында жіберген шайбаларының орташа көрсеткіші – 2,62. Бұдан бөлек Шил Британдық жағалау хоккей лигасының «Юта Гриззлис» командасында 19 кездесу өткізді.
