Құқық қорғау органдарының нұсқасына сәйкес, атысқа отбасылық жанжал себеп болған көрінеді.
АҚШ-та мектеп оқушылары арасындағы хоккей матчы кезінде қарулы шабуыл жасалып, үш адам көз жұмды. Тағы үшеуі ауыр халде ауруханаға жеткізілді.
Қайғылы жағдай Род-Айленд штатының Потакет қаласында өткен мектептік хоккей ойыны кезінде тіркелген. Оқиға матч жүріп жатқан сәтте болған.
Америкалық кей басылымдар ер адам өзінің әйелін және үш баласын атып өлтіргенін хабарлауда. Қанды қылмыстан кейін күдікті бірден өз-өзіне қол жұмсаған.
Полицияның алдын ала мәліметінше:
Құқық қорғау органдарының нұсқасына сәйкес, атысқа отбасылық жанжал себеп болуы мүмкін. Ер адам шамамен 15 рет оқ атқан. Осы сәтте мұз айдынындағы басқа балалар, жаттықтырушылар мен көрермендер дүрбелеңге түсіп, жан-жаққа қаша жөнелген.
Қазіргі уақытта оқиғаның барлық мән-жайын анықтау үшін тергеу амалдары жүргізілуде. Жергілікті билік тұрғындарды сабыр сақтауға және ресми ақпарат көздеріне ғана сенуге шақырды.
