Италияда өтіп жатқан қысқы Олимпиаданың хоккейден жартылай финалдық ойыны аяқталды.
2026 жылғы Олимпиада ойындарындағы хоккей турнирінің жартылай финалында Канада құрамасы Финляндияны жігерлі түрде жеңіп, финалға жолдама алды.
Соңғы Олимпиаданың чемпиондары финдер кездесуді белсенді бастап, 17-минутта есеп ашты — Микко Рантанен басымдықты сәтті пайдаланды. 20-минутта Эрик Хаула кем құрамда ойнай отырып, есеп айырмасын еселей түсті.
Канадалықтар үшінші кезеңде ойынға қайта оралды: 34-минутта Сэм Рейнхарт сан басымдығын тиімді пайдаланып, есеп айырмасын қысқартты, ал 50-минутта Ши Теодор таразы басын теңестірді.
Кездесудің шешуші сәті негізгі уақыттың соңғы минутында туды — Натан Маккиннон жеңіс шайбасын соғып, Канаданы Олимпиада финалына шығарды. Қорытынды есеп — 3:2, Канада пайдасына.
Турнирдің екінші жартылай финалында АҚШ пен Словакия құрамалары кездеседі. Матч 21 ақпанда Астана уақытымен 01:00-де басталады. Үшінші орын үшін ойын сенбіден жексенбіге қараған түні өтеді, ал хоккей турнирінің финалы Олимпиада-2026 ойындарының соңғы күні — 22 ақпанда жоспарланған.
Оқи отырыңыз:
