Харбинде хоккейден қысқы Азия ойындарының финалдық матчы өтті.
Финалда Қазақстан мен Жапония кездесті. Бірінші кезеңнің соңына қарай есепті Андрей Буяльский ашты. Үзілістен кейін Қазақстан құрамасы Дмитрий Бреустың голы арқасында басымдылығын еселей түсті, ал Роман Старченко есепті 3:0-ге жеткізді.
Соңғы жиырма минуттықта қазақстандықтар тағы екі рет мергендік танытты – Кирилл Панюков дубль авторы атанды. Қорытынды есеп – 5:0. Қазақстан хоккейшілері 2025 жылғы Азия ойындарының алтын жүлдегерлері атанды
Еске сала кетейік, бүгін ерлер арасындағы хоккей турнирінің қола жүлдегері анықталды. Оңтүстік Корея құрамасы Қытай командасын жеңіп, қола медальға ие болды.
