Футзалдан Қазақстан ұлттық құрамасының үздік сұрмергені Дуглас Жуниор "Аль-Ула" клубының құрамында Сауд Арабиясы чемпионатының жеңімпазы атанды.
Бразилия футболының түлегі Дуглас Жуниор Да Силва Негрейрос Қазақстан құрамасында 2015 жылдың 15 қыркүйегінде Босния және Герцеговинаға қарсы ресми ойында дебют жасап, бірден дубльмен көзге түсті. Содан бері ол ұлттық құрама сапында 91 матч өткізіп, 65 гол соқты.
Бұл көрсеткіш — Қазақстан футзал құрамасы тарихындағы ең жоғары нәтиже. Дуглас Жуниор — Қазақстан футзалының нағыз аңызы.
Футзал әлеміндегі үздіктердің бірі саналатын Дуглас он маусым бойы алматылық "Кайраттың" басты ойыншысы болды. 2024 жылдың қазанында Сауд Арабиясының "Аль-Ула" клубына ауысып, жаңа белестерге жол ашты.
Оның трансферінен "Кайрат" клубы шамамен 120 мың АҚШ доллары (57 миллион теңге) табыс тапты.
