Астанадағы екі ірі спорт нысанын қайта жаңартуға 20,9 млрд теңге бөлу жоспарланған.
Қазақстан Үкіметінің резервінен елордадағы “Астана Арена” стадионы мен “Алау” мұз сарайын жөндеуге 20,9 миллиард теңге сұралды. Бұл жөнінде KazTAG агенттігі хабарлайды.
Бюджеттік жоспар жобасына сәйкес, қаржы 2026 жылға арналған. Қаражат “Қазақстан Республикасы Үкіметінің резервінен жедел шығындарға арналған мақсатты трансферттер” бабы аясында бөлінбек.
Алайда бұған дейін, 2024 жылы Дүниежүзілік көшпенділер ойындары қарсаңында “Астана Арена” стадионына қомақты жөндеу жұмыстары жасалғаны белгілі. Сол кезде де бюджеттен айтарлықтай қаражат бөлінген.
Жаңа өтінім қоғамда қызу талқылауға түсіп отыр. Небәрі бір жылдан кейін қайтадан реконструкция сұралуы бірқатар сұрақтарды туындатуда:
Қазір бұл сұрақтарға ресми органдар нақты жауап берген жоқ. Дегенмен спорт инфрақұрылымының дамуымен қатар, қоғамдық бақылау мен есептілік те күн тәртібінен түспеуі тиіс.
