"Реалмен" қоштасқан хорватиялық жұлдыз жаңа баспананың иесі атанды.
Аты аңызға айналған Лука Модрич жақында "Реал Мадрид" сапында соңғы ойынын өткізіп, жанкүйерлерімен қоштасты. Осыдан кейін ол Уэльстің Гауэр Три Кроссес атты ауылынан бес бөлмелі зәулім үй сатып алғаны белгілі болды. Жаңа мүлікке жұмсалған қаражат 1,17 миллион еуродан астам.
Футбол жанкүйерлерінің есінде болса, сәуір айында Лука Модрич ағылшын Чемпионшипінде өнер көрсететін "Суонси Сити" клубының акционері атанған. Бұл — оның футболдан кейінгі кәсіпкерлік мансабына бағытталған алғашқы нақты қадамдарының бірі.
Жақында Модричтің "Реалмен" келісімшартты ұзартпайтыны ресми түрде жарияланды. Ол мадридтік клубты 2025 жылғы Клубтық әлем чемпионатынан кейін ресми түрде тастап кетпек. Бұл хорватиялықтың 10 жылдан астам уақыттық "Реалдағы" дәуірінің аяқталғанын білдіреді.
