Қазақстандық мерген Германиядағы әлем кубогында күміс жүлдегер атанды

Пневматикалық тапаншамен атуда "күміс" бұйырды

Қарсыластарын дәлдігімен басып озған Рахимжан 10 метрлік пневматикалық тапаншамен ату сайысында финалға жолдама алып, шешуші сында 241.9 ұпай жинады. Бұл көрсеткіш спортшыға екінші орынды қамтамасыз етті.

Жеңімпаздар үштігі: 

1. Ху Кай (Қытай) — 242.3 ұпай
2. Валерий Рахимжан (Қазақстан) — 241.9 ұпай
3. Кристиан Райц (Германия) — 220.8 ұпай

Финалға жол оңайға түспеді

Айта кетейік, Валерий іріктеу кезеңін алтыншы орынмен аяқтап, шешуші кезеңге әрең өтті. Бірақ финалда мықтылығын дәлелдеп, елге маңызды жүлде әкелді.