Қазақстанның ең танымал волейболшысы Сәбина Алтынбекова жаңа маусымды өз елінде өткізбек.
28 жастағы спортшы алдағы маусымда елордалық "Астана" волейбол клубының намысын қорғайды. Сәбина өткен маусым алдындағы дайындық кезеңінде де "Астанамен" бірге жаттығып, кейін Индонезия чемпионатына ойнауға кеткен.
Алтынбекова бұған дейін бірнеше жыл бойы БАӘ-нің "Аль-Васл" клубында өнер көрсетіп, Араб лигасының чемпионы атанды. Ал өткен маусымда Индонезия біріншілігінде бақ сынап, халықаралық тәжірибесін толықтырды.
Сәбинаның Қазақстандағы соңғы командасы ВК "Алматы" болған. Ол бұл клубта 2019 жылы ойнады.
Сәбина Алтынбекованың елге оралуы қазақстандық волейбол жанкүйерлерін қуантары сөзсіз. Алдағы маусымда ол елордалық клубпен бірге жаңа белестерді бағындыруды мақсат етеді.
