Қазақстанның ең танымал әрі әдемі волейболшыларының бірі Сәбина Алтынбекова жақында спорттық мансабын елордада жалғастыруды шешкен болатын. 1 қыркүйектен бастап ол «Астана» клубының ойыншысы атанды.
Алтынбекова Instagram желісінде жанкүйерлеріне жаңа бапкерін таныстырды.
Спортшы Stories-те былай деп жазды:
«Мейірбек Мұсабекұлының мықты бапкер екенін көп естігем. Енді өзім де оның қол астында жаттығып, ойнап жүрмін. Шын мәнінде, ол – кәсіби маман. Шетелдік бапкерлерден кем түспейді, тіпті кей тұстарда асып түседі. Профессионализм. Сабырлылық. Даралық».
Сонымен қатар Сәбина:
«Осындай шынайы ниеті бар бапкерлер көп болса екен», – деп қосты.
Айта кетейік, бұған дейін волейболшы жасөспірім кезінде волейболға алғаш келгенде, оған ешкім сенбегенін айтып, жанкүйерлерін таңғалдырған еді.
