Үндістанның Ахмедабад қаласында су спорты түрлерінен Азия чемпионаты өз мәресіне жетіп келеді.
Қола медаль үшін тартысты ойын Қазақстан мен Тайланд әйелдер құрамалары арасында өтті.
Негізгі уақыт 6:6 есебімен тең аяқталды. Барлығы шешуші пенальти сериясына қалды. Бұл жерде қазақстандық су добы шеберлері мінсіз өнер көрсетіп, 3:2 есебімен жеңіске жетті.
Осылайша жалпы есеп 9:8 болып, Қазақстан құрамасы Азия чемпионатының қола жүлдегері атанды.
Бүгін қазақстандық ерлер құрамасы да қола медаль үшін өз ойынын өткізеді. Қарсыласы — Жапония құрамасы.
