«Қайрат» пен «Семей» футзалдан Чемпиондар лигасын бастайды: тікелей эфир қайдан көрсетіледі

Чемпиондар лигасының форматы қандай?

Биылғы маусымда Қазақстанның чемпионы мен күміс жүлдегері «А жолымен» (Path A) өнер көрсетуде. Топтағы ең үздік үш команда 1/8 финалға жолдама алады.

Бірінші және екінші орын алғандар плей-офф кезеңінде жеңілірек қарсыласқа тап болады — олар не өз тобының үшіншісімен, не «B жолының» жеңімпазымен кездеседі.

Айта кетейік, осы маусымда 1/4 финал кезеңі қосылып, элиталық раунд алынып тасталды, бірақ Финал төрттік (Final Four) жүйесі сақталды.

«Қайрат» Хорватияда өнер көрсетеді

Қазақстан чемпионы «Қайрат» өз ойындарын Хорватияда өткізеді. Команданың топтағы қарсыластары:

• «Ново Вриеме» (Хорватия)
• «Приштина» (Косово)
• «Спортинг» (Португалия)

Матч: «Қайрат» – «Ново Вриеме»
Басталуы: 23:59
Тікелей эфир: Qazsport

«Семей» Испанияда сынға түседі

Қазақстан біріншілігінің күміс жүлдегері «Семей» Испанияда, соңғы маусымның чемпионының алаңында ойнайды.
Қарсыластары:

• «Пальма» (Испания)
• «Этуаль» (Франция)
• «Хрудим» (Чехия)

Матч: «Семей» – «Хрудим»
Басталуы: 20:30
Эфир: Qazsport — матч толық нұсқада сайтта, ал телеарнада «Барыс» ойынынан кейін көрсетіледі.

Қазақстандық футзалдың беделі

Өткен маусымда «Қайрат» финалға дейін жетсе, «Семей» элиталық раундта жарысты тоқтатқан болатын. Қазір Португалия, Испания, Қазақстан және Украина — УЕФА рейтингінде үздік төрттікке еніп, әрқайсысы екі клубтан қатыстыру құқығына ие.

Қазақстан футзалының тарихында «Қайрат» екі рет Чемпиондар лигасын (2013 және 2015) жеңіп алған жалғыз клуб болып отыр.