«Семей» футзал клубы УЕФА Чемпиондар лигасының негізгі кезеңін жарқын жеңіспен бастады. Асқар Смақов шәкірттері Чехияның 16 дүркін чемпионы «Хрудимге» қарсы шықты.
Ойынның алғашқы минуттарында чехиялықтар екі гол соғып, басымдыққа ие болды. Алайда Габриэль Кандидо мен Бруно Гомес есепті теңестірді. «Хрудим» қайтадан алға шыққанымен үзіліс алдында Гоместің голы «Семейге» үміт сыйлады.
Екінші кезеңде қазақстандық команда нағыз футзал шоуын көрсетті. Шыңғыс Есенамановтың дәл соққысынан кейін Кандидо дубль рәсімдеп, Камиль Герейханов есепті 7:5-ке жеткізді. Соңғы минуттарда Марсело мен Әбдірасұл Әбдуманапұлы нәтижені түйіндеп, матчты 9:5 есебімен аяқтады.
Бразилиялық легионер Кандидо бұл ойында хет-трик авторы атанып, матчтың ең үздік ойыншысы деп танылды.
Турнир ережесіне сәйкес, «Семей» клубы 1/8 финалға жолдама алу үшін өз тобының алғашқы үштігіне енуі керек.
Келесі кездесу ертең, сағат 20:30-да Францияның «Этуаль» клубына қарсы өтеді.
