Бұрынғы UFC чемпионы, жеңіл салмақта өнер көрсеткен Дейвезон Фигередо ауыр жол апатына түсті. Бразилиялық файтердің көлігі соққыдан кейін бірнеше рет аударылып кеткен.
Жекпе-жек шебері болған жағдайды өзінің Instagram парақшасында жариялап, екі бейнежазба ұсынды. Оның айтуынша, оқиға Бразилия көшелерінің бірінде болған.
«Бүгін мен жол апатына түстім. Құдайға мың алғыс, аман қалдым. Жоғары жылдамдықпен келе жатқан қыз менің көлігімнің бүйірінен соқты. Көлігім бірнеше рет аударылып кетті», — деп жазды Фигередо.
Жарияланған кадрларда жол жиегінде кроссовер көлігі бүйірімен аударылып жатқанын, ал екінші көліктің алдыңғы бөлігі қатты зақымданғанын көруге болады.
UFC ресми дерегінше, Дейвезон Фигередо промоушеннің жеңіл салмақта бұрынғы чемпион болған. 2023 жылы ол Брэндон Мореноға есе жіберіп, одан кейін жеңіл салмақ (61 кг) санатына ауысқан.
Алайда бұл өзгеріс оған сәтті бола қойған жоқ — содан бері жеңіс пен жеңілісті кезектестіріп, қазіргі таңда UFC рейтингінде алтыншы орында тұр.
